Gwybodaeth i ddarparwyr

Gelwir y data ar Darganfod Prifysgol yn set ddata Darganfod Prifysgol (a elwid yn set ddata Unistats gynt). Rydym yn gweithredu'r broses casglu data mewn partneriaeth gyda'r Asiantaeth Ystadegau Addysg Uwch (HESA), sydd bellach yn rhan o Jisc.

Mae’n ofynnol i ddarparwyr addysg uwch sydd wedi’u cofrestru gyda’r Swyddfa Fyfyrwyr yn Lloegr, a darparwyr yng Nghymru, yr Alban a Gogledd Iwerddon, gyflwyno data Darganfod Prifysgol yn flynyddol i HESA sy’n cynnwys manylion eu cyrsiau israddedig cymwys. I ganfod a yw cwrs yn gymwys ar gyfer cyflwyno data Darganfod Prifysgol gan ddarparwr, gweler y datganiad cwmpas ar wefan HESA. Mae manylion ac amserlen ar gyfer casglu set ddata 2024-25 i’w cael ar wefan HESA.

Mae set ddata Darganfod Prifysgol yn cynnwys yr wybodaeth y mae darparwyr yn ei chyflwyno i HESA wrth gyflwyno’u data Darganfod Prifysgol, yn ogystal â data o’r Arolwg Cenedlaethol o Fyfyrwyr, yr Arolwg Hynt Graddedigion a Deilliannau Addysg Hydredol, a gwybodaeth am asesu ansawdd a safonau.

Mae Darganfod Prifysgol yn dangos y data Darganfod Prifysgol diweddaraf – sef set ddata 2024 ar hyn o bryd. Mae’r set ddata hon yn cynnwys gwybodaeth sy’n berthnasol i gyrsiau a fydd yn rhedeg ym mlwyddyn academaidd 2025-26.

Gall darparwyr ddiweddaru eu gwybodaeth bresennol ar Darganfod Prifysgol trwy ailgyflwyno eu data Darganfod Prifysgol i HESA. Caiff y set ddata Darganfod Prifysgol ei diweddaru’n wythnosol, a bydd unrhyw newidiadau’n cael eu hadlewyrchu yn y set ddata ac ar wefan Darganfod Prifysgol ar yr adeg honno. Mae canllawiau manwl ynghylch cynnwys y casgliad data ar gael ar wefan HESA.

Ar gyfer ymholiadau penodol ynghylch y casgliad data Darganfod Prifysgol, cysylltwch â thîm Cyswllt HESA: [email protected].

Sylwer ei bod yn ofynnol i ddarparwyr sydd newydd gofrestru yn Lloegr gyflwyno a chymeradwyo ffurflen ddata Darganfod Prifysgol o fewn deufis i’r dyddiad cofrestru gyda’r Swyddfa Fyfyrwyr.

Ceir rhagor o fanylion am yr eitemau data rydym yn eu cyhoeddi ar dudalennau cwrs ar ein tudalen 'am ein data'.

Cyn bo hir bydd HESA yn agor casgliad Darganfod Prifysgol 2025 i ddarparwyr gyflwyno gwybodaeth iddo. Bydd set ddata 2025 yn cael ei chyhoeddi ar Darganfod Prifysgol ym mis Hydref 2025 a bydd yn cynnwys gwybodaeth sy’n berthnasol i gyrsiau a fydd yn rhedeg ym mlwyddyn academaidd 2026-27. Ceir canllawiau manwl ar gasgliad 2025 ar wefan HESA.

Manylion cyswllt darparwyr

Mae'r set ddata Darganfod Prifysgol yn cynnwys enwau a manylion cyswllt darparwyr o Gofrestr Darparwyr Dysgu’r DU (UKRLP). Bydd Darganfod Prifysgol yn cyflwyno'r wybodaeth hon fel a nodir yng nghofnod UKRLP y darparwr ei hun o dan 'enw masnachu’r darparwr'. Os nad oes enw masnachu’n bodoli ar UKRLP, defnyddir yr enw cyfreithiol yn lle hynny.

Gall darparwyr ddiweddaru eu cofnod UKRLP ar unrhyw adeg, a bydd unrhyw newidiadau a wneir yn cael eu hadlewyrchu ar Darganfod Prifysgol, ar ôl diweddariad wythnosol set ddata Darganfod Prifysgol.

Beth yw'r teclyn?

Mae'r teclyn yn cefnogi darpar fyfyrwyr i gael mynediad at ddata swyddogol am gyrsiau, i'w helpu gyda'u hymchwil a'u gwneud penderfyniadau.

Caiff y teclyn Darganfod Prifysgol ei fewnblannu ar dudalennau cyrsiau ar wefannau darparwyr, ac mae'n darparu’r prif ddata Darganfod Prifysgol sy'n gysylltiedig â'r cwrs hwnnw, yn ogystal â dolen uniongyrchol i dudalen gyfatebol y cwrs ar y wefan Darganfod Prifysgol. Disgwylir i ddarparwyr arddangos teclyn ar eu tudalennau cyrsiau ar gyfer pob cwrs sy'n bresennol ar Darganfod Prifysgol.

Y data a ddangosir ar y teclyn yw:

• % y myfyrwyr yn yr Arolwg Cenedlaethol o Fyfyrwyr a oedd yn fodlon ar y cyfan ar eu cwrs (ar gyfer darparwyr yng Nghymru, yr Alban a Gogledd Iwerddon yn unig)
• Y % mewn gwaith neu'n gwneud astudiaethau pellach 15 mis ar ôl y cwrs o'r Arolwg Hynt Graddedigion
• % y myfyrwyr yn yr Arolwg Cenedlaethol o Fyfyrwyr sy’n dweud bod staff wedi cefnogi eu dysgu'n dda.

Teclyn Darganfod Prifysgol newydd – 2025

Cyhoeddwyd fod y teclyn Darganfod Prifysgol wedi cael ei ail-ddylunio yn y fersiwn flaenorol o’r canllawiau ynghylch y teclyn (24061).

Mae'r teclyn newydd ar gael nawr. Cyfeiriwch at ganllawiau teclyn Discover Uni 2025 sy'n amlinellu'r broses ar gyfer ychwanegu'r teclyn wedi'i ddiweddaru at dudalennau cwrs y darparwr.

Rydym yn eich annog i roi cynnig ar y teclyn newydd hwn a darparu adborth ar y dyluniad newydd, yr offeryn ffurfweddu a’r deunyddiau cyfarwyddyd.

Gweler ‘Beth mae angen i chi ei wneud?’ isod i gael manylion y camau sy’n ofynnol i ddiweddaru’r teclyn ac erbyn pryd y bydd angen cynnwys y teclyn newydd ar dudalennau cyrsiau.

Beth sydd wedi newid?

Mae’r teclyn Darganfod Prifysgol wedi cael ei ddiweddaru i wella ei ddyluniad, ei ymarferoldeb a’i hygyrchedd. Mae’r teclyn newydd wedi cael ei ddylunio a’i addasu bob yn dipyn trwy gydol cyfnod o brofi gyda defnyddwyr ar ffurf darpar fyfyrwyr a sampl o ddarparwyr.

Gellir gweld enghraifft o ddyluniad newydd y teclyn isod:

Yn ogystal â dyluniad newydd, ceir hefyd offeryn ffurfweddu newydd a fydd yn cynorthwyo darparwyr i gynhyrchu’r darn o god ar gyfer eu teclynnau. Gweler y dudalen ‘Sut i’w ddefnyddio’ am gymorth.

Beth mae angen i chi ei wneud?

Dylai’r teclyn Darganfod Prifysgol newydd ymddangos ar wefannau’r holl brifysgolion neu golegau lle mae cwrs yn rhedeg ac yn derbyn ceisiadau ar gyfer y flwyddyn academaidd ganlynol, erbyn dydd Gwener 5 Rhagfyr 2025.

Bydd angen i ddarparwyr dynnu’r teclyn cyfredol o’r wefan a newid i’r dyluniad newydd. Bydd y teclyn cyfredol yn cael ei dynnu’n ôl ac yn peidio â bod ar gael o haf 2026.

Sut i sefydlu’r teclyn newydd

Gweler y canllawiau ynghylch y teclyn am gymorth o ran sut i sefydlu’r teclyn Darganfod Prifysgol newydd ar dudalennau cyrsiau darparwyr.

Bydd yr offeryn ffurfweddu newydd ar gyfer y teclyn yn helpu darparwyr i gynhyrchu’r darn o god er mwyn cynnwys y teclynnau ar dudalennau cyrsiau.

Daw’r holl wybodaeth a ddarperir ar y teclyn o’r set ddata Darganfod Prifysgol. Rhaid i’r manylion a gynhwysir i ffurfweddu’r teclyn gyd-fynd â’r wybodaeth gyfatebol am y cwrs a gyflwynwyd yn eich data a gasglwyd i’w gynnwys yn y set ddata Darganfod Prifysgol.

Sylwer efallai na fydd y teclyn yn dangos yr holl eitemau data a restrir uchod os nad yw’r data ar gael ar dudalen gyfatebol y cwrs ar Darganfod Prifysgol – gweler y canllawiau am fanylion llawn.

Angen cymorth?

Os oes gennych unrhyw gwestiynau, adborth neu os oes arnoch angen rhagor o gymorth, cysylltwch â ni yn [email protected].